Біздің сынақ зертханамыздың Ұлттық аккредиттеу орталығының жүйесінде МемСТ ISO/IEC 17025:2019 талаптарына сәйкестік бойынша аккредиттеуден сәтті өткенін зор мақтанышпен хабарлаймыз.
Зертханаға сараптамалық комиссия тарапынан бірде-бір ескерту айтылмастан, 5 жыл мерзімге аккредиттеу аттестаты табысталды.
Ұжымымыз бұл жетістікке жоғары кәсібилігінің, сынақтарды жүргізу сапасына қойылатын талаптарды қатаң сақтауының, мамандарымыздың біліктілігінің және техникалық құжаттаманың жан-жақты әрі мұқият дайындалуының арқасында қол жеткізді.
Аккредиттеу аттестаты зертханамыздың сынақ зертханаларының құзыреттілігіне қойылатын халықаралық талаптарға толық сәйкес келетінін растайды және сынақ нәтижелерінің дәлдігіне, сенімділігі мен объективтілігіне кепілдік береді.