Республика күні құрметіне орай, «AltynEx Company» АҚ Жөндеу-құрылыс учаскесінің (ЖҚУ) бастығы Рустам Айметұлы Кулметов ІІІ дәрежелі «Еңбек Даңқы» төсбелгісімен марапатталды. Біздің әріптесіміз бұл орденді еңбекке адалдығы мен кәсібилігі үшін кеудесіне тақты.
Әбу Райхан Беруни атындағы Ташкент мемлекеттік техникалық университетінің Геологиялық барлау факультетін «Инженер геолог» мамандығы бойынша бітірген туралы диплом мен үлкен жұмыс тәжірибесіне ие Рустам Айметұлы кенішке 2008 жылы келіп, ЖҚУ шебері болып қызметке кірісті. Ұжым мүшелері оны терең білімі, еңбексүйгіштігі және кәсіби шеберлігі үшін құрмет тұтады.
Біз Рустам Айметұлын еңбегіне лайық марапатымен құттықтап, ұзақ өмір, мықты денсаулық және еңбекте табыс тілейміз!